ৰাজ্যত কোন মন্ত্ৰীয়ে ক'ত ৰাষ্ট্ৰীয় পতাকা উত্তোলন কৰিব

কাইলৈ ৭০সংখ্যক গণৰাজ্য দিৱস৷ সেই উপলক্ষে ৰাজ্যৰ কেন্দ্ৰীয় গণৰাজ্য দিৱসৰ কাৰ্যসূচী গুৱাহাটীৰ খানাপাৰা পশু চিকিৎসা মহাবিদ্যালয় খেলপথাৰত অনুষ্ঠিত হ'ব৷ অনুষ্ঠানত ৰাষ্ট্ৰীয় পতাকা উত্তোলন কৰিব ৰাজ্যৰ মুখ্য মন্ত্ৰী সৰ্বানন্দ সোণোৱালে৷ একেদৰে ৰাজ্যৰ বিভিন্ন জিলা সদৰত ৰাজ্য চৰকাৰৰ বিভিন্ন মন্ত্ৰীসকলে গণৰাজ্য দিৱসৰ কাৰ্যসূচীত অংশগ্ৰহণ কৰি পতাকা উত্তোলন কৰিব৷

সেই অনুযায়ী মৰিগাঁৱত ডঃ হিমন্ত বিশ্ব শৰ্মা, তেজপুৰত ৰিহণ দৈমাৰী, তিনিচুকীয়াত প্ৰমিলা ৰাণী ব্ৰহ্ম, নগাঁৱত পল্লৱলোচন দাস, বঙাইগাঁৱত ভৱেশ কলিতা, বিশ্বনাথত ৰঞ্জিত দত্ত, কাছাৰত পৰিমল শুক্লবৈদ্য, আমিনগাঁৱত চন্দ্ৰমোহন পাটোৱাৰী, লখিমপুৰত নৱ দলে, চিৰাঙত চন্দন ব্ৰহ্ম, ডিব্ৰুগড়ত তপন গগৈ, শিৱসাগৰত পীয়ূষ হাজৰিকা আৰু যোৰহাটত সিদ্ধাৰ্থ ভট্টাচাৰ্যই ৰাষ্ট্ৰীয় পতাকা উত্তোলন কৰিব।