নেতাজীৰ জন্মজয়ন্তী উপলক্ষে ৰঙিয়াত চাফাই অভিযান

ৰঙিয়াৰ পৰা ঋষি লহকৰ

আজি নেতাজী সুভাষ চন্দ্ৰ বসুৰ জন্মজয়ন্তী উপলক্ষে ৰঙিয়া মহকুমা প্ৰশাসনৰ উদ্যোগত স্বেচ্ছাসেৱী অনুষ্ঠান প্ৰভাতী কিৰণ আৰু ৰঙিয়া পৌৰাসভাৰ সহযোগত ৰঙিয়া চহৰত এক চাফাই অভিযানৰ কাৰ্যসূচী হাতত লোৱা হয়। এই কাৰ্যসূচীত ৰঙিয়া মহকুমা প্ৰশাসনৰ বহু বিষয়া তথা কৰ্মচাৰী আৰু ৰঙিয়া পৌৰসভাৰ কৰ্মচাৰীৰসকলৰ লগতে স্বেচ্ছাসেৱী অনুষ্ঠান প্ৰভাতী কিৰণৰ সমূহ সদস্য, ৰঙিয়া সীমান্ত সুৰক্ষা বাহিনীৰ বহু জোৱান একেলগ হৈ ৰঙিয়া চহৰখনৰ মাজমজিয়াত চাফাই অভিযান আৰম্ভ কৰে।

এই কাৰ্যসূচীৰ নেতৃত্ব প্ৰদান কৰে ৰঙিয়া ৰাজহ চক্ৰ বিষয়া ইমিলী বৰুৱাৰ লগতে ৰঙিয়াৰ মহকুমাধিপতি মুনিদ্ৰা বৰদলৈয়ে৷ লগতে ৰঙিয়া পৌৰসভাৰ পৌৰপতি সীমা বৈশ্য, স্বেচ্ছাসেৱী অনুষ্ঠান প্ৰভাতী কিৰণৰ সভাপতি মৃদুল শৰ্মা উপস্থিত থাকি চাফাই অভিযান কাৰ্যসূচী সফলভাৱে ৰূপায়ণ কৰে।