জয়নাল উদ্দিন লস্কৰক হাইলাকান্দি জিলা কংগ্ৰেছৰ সভাপতি নিযুক্তি

সৰ্বভাৰতীয় কংগ্ৰেছ কমিটীৰ অনুমোদনমৰ্মে হাইলাকান্দি জিলা কংগ্ৰেছৰ নতুন সভাপতি নিযুক্তি দিয়া হৈছে৷ প্ৰদেশ কংগ্ৰেছৰ সভাপতি ৰিপুণ বৰাই শনিবাৰে হাইলাকান্দি জিলা কংগ্ৰেছৰ নতুন সভাপতি হিচাপে নিযুক্তি দিয়ে জয়নাল উদ্দিন লস্কৰক৷ ৰাহুল ৰয়ৰ স্থানত লস্কৰক জিলাখনৰ সভাপতিৰ দায়িত্ব দিয়া হৈছে৷

আনহাতে, জিলাখনৰ কাৰ্যকৰী সভাপতি হিচাপে নিযুক্তি দিয়া হৈছে দক্ষিণা ৰঞ্জন চন্দাক৷ তৎকালীনভাৱে বলৱৎ হোৱাকৈ দুয়োকে উক্ত পদবীত নিযুক্তি দিয়া হয়৷ উল্লেখ্য যে প্ৰদেশ কংগ্ৰেছে বঙালী হিন্দু বিদ্বেষী স্থিতি অৱলম্বন কৰা বুলি অভিযোগ তুলি হাইলাকান্দি জিলা কংগ্ৰেছৰ সভাপতি ৰাহুল ৰয়ে শনিবাৰে কংগ্ৰেছৰ পৰা পদত্যাগ কৰিছিল৷