আজমলৰ দুৰ্গ যমুনামুখত এ আই ইউ ডি এফৰ মুকথেকেচা

ডবকাৰ পৰা জমিৰ উদ্দিন তালুকদাৰ

যমুনামুখত কংগ্ৰেছৰ অভাৱনীয় উত্থান আৰু এ আই ইউ ডি এফৰ মুকথেকেচা ৷ এ আই ইউ ডি এফৰ দখলত থকা ইখনৰ পিচত সিখন পঞ্চায়ত দখল কৰিছে কংগ্ৰেছে ৷ বৰহাওৰ গাঁও পঞ্চায়তত কংগ্ৰেছ দলে শেষ হাঁহি মাৰিবলৈ সক্ষ্যম হৈছে ৷ ৯ জন ৱাৰ্ড সদস্যৰ সৈতে সভাপতি পদত আব্দুল গফূৰ আৰু আঞ্চলিক পঞ্চায়ত সদস্য পদত কংগ্ৰেছ দলৰ প্ৰাৰ্থীয়ে বিজয় সাব্যস্ত কৰিবলৈ সক্ষ্যম হৈছে ৷

যমুনামুখ পঞ্চায়তত সভাপতি পদত বিজেপিৰ প্ৰাৰ্থী নিলিমা চৌধুৰীৰ বিপুল ভোটত বিজয় সাব্যস্ত ৷ আঞ্চলিক পঞ্চায়তৰ সদস্য পদত বিজেপিৰ মুকুটা বৰাৰ জয়লাভ ৷ বুৰুংগা গাঁও পঞ্চায়তত দহটা ৱাৰ্ডেই কংগ্ৰেছৰ দখলত ৷ পঞ্চায়ত সভাপতি পদত কংগ্ৰেছৰ ৰুহুল ইছলাম আৰু আঞ্চলিক পঞ্চায়তৰ সদস্য পদত আৰিনা বেগমৰ জয়লাভ ৷

সুতাৰ গাঁও গাওঁ পঞ্চায়তৰ সভাপতি পদত কংগ্ৰেছৰ জাকিৰ হুছেইন আৰু আঞ্চলিক পঞ্চায়তৰ সদস্য পদত প্ৰাণ ভল্লবৰ বিজয় সাব্যস্ত ৷