বটদ্ৰৱাৰ মাজ-জাজৰি পঞ্চায়তত অগপৰ নিৰ্বাচনী তৎপৰতা

নগাঁৱৰ পৰা ঋতুপৰ্ণ শৰ্মা

আসন্ন পঞ্চায়ত নিৰ্বাচনক লৈ তৎপৰ হৈ পৰিছে বটদ্ৰৱাৰ অগপ শিৱিৰ ৷ ৰাজ্যৰ চৌদিশ সমান্তৰালভাৱে চূড়ান্ত কৰিলে বটদ্ৰৱাৰ মাজ- জাজৰি পঞ্চায়তৰ প্ৰাৰ্থী তালিকা ৷ মাজ-জাজৰি পঞ্চায়তৰ পৰা অগপ দলৰ হৈ আগন্তুক পঞ্চায়ত নিৰ্বাচনত গাঁও পঞ্চায়তৰ সভাপতি পদত প্ৰতিদ্বন্দিতা আগবঢ়াব দলৰ সক্ৰিয় কৰ্মী কমল লালুঙে ৷

আনহাতে আঞ্চলিক পঞ্চায়তৰ সদস্য পদৰ বাবে প্ৰতিদ্বন্দিতা কৰিব জাতীয়তাবাদী শিবিৰৰ সক্ৰিয় কৰ্মী শিৱানী শইকীয়াই । বৰ্তমানৰ চৰকাৰৰ খিলঞ্জীয়া বিৰোধী নীতিয়েই হ'ব অগপৰ আগন্তুক নিৰ্বাচনৰ মূল ইছ্যু ৷ মংগলবাৰে সন্ধিয়া সংশ্লিষ্ট পঞ্চায়তত অনুষ্ঠিত এক দলীয় সভাত আনুষ্ঠানিকভাৱে প্ৰাৰ্থীসকলৰ মাজত দলীয় টিকট বিতৰণ কাৰ্যসূচীত উপস্থিত থাকে অগপৰ জিলা নেতৃত্বৰ পংকজ ডেকা আৰু বিশ্বজ্যোতি মহন্তকে ধৰি অসংখ্য জিলা তথা আঞ্চলিক পৰ্যায়ৰ নেতা-কৰ্মী ৷