বিজেপি মহিলা মৰ্চাৰ দ্বাৰা মাটি চাকি আৰু মিঠাতেল বিতৰণ

চীনা সামগ্ৰিক বৰ্জন কৰি থলুৱা সামগ্ৰীৰ ওপৰত অধিক গুৰুত্ব দিয়াৰ লক্ষ্যৰে আজি গুৱাহাটী জিলা বিজেপি মহিলা মৰ্চাৰ উদ্যোগত গ্ৰহণ কৰা হৈছে দিপাৱলী উপলক্ষে মাটি চাকি আৰু মিঠাতেল বিতৰণ কাৰ্যসূচী।জনসাধাৰণৰ মাজত মাটিচাকি গুৰুত্ববৃদ্ধি কৰাৰ লক্ষ্যৰে গ্ৰহণ কৰা এই কাৰ্যসূচী আজি গুৱাহাটী মহানগৰীত গ্ৰহণ কৰা হয় গণেশগুৰি বাছ আস্থানৰ সমীপত ।

এই বিতৰণ কাৰ্যসূচী শুভাৰম্ভ কৰে বিজেপি  ৰাজ্যিক মহিলা মর্চা সভানেত্ৰী বিজুলী কলিতাই ।লগত উপস্থিত থাকে গুৱাহাটী জিলা সমিতি বিষয়ববীয় সকল ।অনুষ্ঠানৰ আৰম্ভণিতে বিজেপি মহিলা মর্চা সভানেত্ৰী বিজুলী কলিতাক সম্বৰ্ধনা জনোৱা হয় ।

উল্লেখ যোগ্য এই যে এই কাৰ্যসূচীত মহিলা মর্চা ফালৰ পৰা প্ৰতিজন নাগৰিকক মাটিচাকি আৰু মিঠাটেলৰ একোটাকৈ টোপোলা প্ৰদান কৰা হয় । অনুষ্ঠানত উপস্থিত থাকি মহিলা মর্চা সভানেত্ৰী গৰাকীয়ে জানিবলৈ দিয়ে যে এই কাৰ্যসূচী আজি কেৱল মহানগৰীতে গ্ৰহণ কৰা হোৱা নাই ।প্ৰতিখন জিলাতেই এই কাৰ্যসূচী গ্ৰহণ কৰা হৈছে বুলি জানিবলৈ দিছে ।