বামুণবড়ীত ছহিদ সোঁৱৰণী ফুটবলৰ চূড়ান্ত খিতাপ বঙাইগাঁৱৰ ইলিভেন ষ্টাৰ ক্লাব

বঙাইগাঁৱৰ ইলিভেন ষ্টাৰ ক্লাবে বামুণবড়ী মুলাঘাটা মিলন সংঘৰ উদ্যোগত বামুণবড়ী খেলপথাৰত  অনুষ্ঠিত ২৬তম বাৰ্ষিক ছহিদ সোঁৱৰণী প্ৰাইজমানি ফুটবল প্ৰতিযোগিতাৰ চূড়ান্ত খিতাপ দখল কৰিছে । কালি অনুষ্ঠিত তীব্ৰ উত্তেজনাপূৰ্ণ চূড়ান্ত খেলখনত বঙাইগাঁৱৰ ইলিভেন ষ্টাৰ  ক্লাবে সোণাপুৰ প্ৰগতি যুৱ  সংঘক ১-০ গলত পৰাস্ত কৰি বিজয়ী  হয় ।

খেলৰ ২৫ মিনিটত বিজয়ী দলটোৰ হৈ গল দিয়ে তপেশ্বৰ ৰাভাই । খেলখন উদ্বোধন কৰে বৰক্ষেত্ৰীৰ স্থানীয়  বিধায়ক নাৰায়ণ  ডেকাই । খেলৰ অন্তত  বামুণবড়ী গাঁও উন্নয়ন  সমিতিৰ সভাপতি ফাইজুৰ ৰহমানৰ পৌৰোহিত্যত এখন বঁটা  বিতৰণী সভা অনুষ্ঠিত হয়।

বামুণবড়ী মুলাঘাটা মিলন সংঘৰ সভাপতি ইউচুফ হুছেইন তালুকদাৰে আঁত ধৰা বঁটা বিতৰণী অনুষ্ঠানত বিজয়ী দলৰ লগতে আন আন বঁটাসমূহ প্ৰদান  কৰা হয় ।

অনুষ্ঠানটোত চতুৰ্দশ অসম  আৰক্ষী বাহিনীৰ অধিনায়ক দেবেন্দ্ৰ ডেকাই বিশিষ্ট অতিথি হিচাপে উপস্থিত থাকে । কালিৰ খেলখন পৰিচালনা কৰে গোকুল দাস, অৰূপ হালৈ, বিশ্বজিৎ ভূঞা আৰু আকিল জামানে । মেচ কমিচনাৰ হিচাপে  দায়িত্ব পালন কৰে বিকাশ ভট্টাচাৰ্যই ।