শিক্ষকক ধনদাবী কৰি : গ্ৰেপ্তাৰ ৩ দুৰ্বৃত্ত

কামপুৰৰ পৰা ৰূপ জ্যোতি ভূঞা
নগাঁও জিলাৰ কচুৱা আৰক্ষী থানাৰ অন্তৰ্গত বৰবিলৰ এজন শিক্ষকক ধন দাবী কৰি গ্ৰেপ্তাৰ হ'ল তিনিজন দুৰ্বৃত্ত । ধৃত তিনি দুৰ্বৃত্ত লংকেশ্বৰ বড়ো, শিৱলাল দৈমাৰী আৰু গৌবিন্দ্ৰ বড়ো । ধৃত লোক কেইজনক এন ডি এফ বিৰ লিংক মেন বুলি সন্দেহ কৰা হৈছে ৷ জানিব পৰা মতে তিনি সন্দেহজনক এন ডি এফ বিৰ লিংক মেনে কচুৱা বৰবিল মাইনুশ্ৰী প্ৰাথমিক বিদ্যালয়ৰ প্ৰধান শিক্ষক অনন্ত বনাইক ৫ লাখ টকা দাবী কৰিছিল, দাবী কৰা ধন আদায় নিদিলে হত্যা কৰা হ'ব বুলি ভাবুকি প্ৰদান কৰিছিল ।

শিক্ষকগৰাকীয়ে দিয়া গোচৰৰ ভিত্তিত আৰক্ষী আৰু সেনাবাহিনীয়ে নিশা অভিযান চলাই ভিন্ন প্ৰান্তৰ পৰা তিনিজন এন ডি এফ বি লিংক মেনক গ্ৰেপ্তাৰ কৰিবলৈ সক্ষম হয় । ধতৃ লোক কেইজনক বৰ্তমান আৰক্ষীয়ে জেৰা অব্যাহত ৰাখিছে ৷ আৰক্ষীৰ তদন্তৰ পাছতহে পোহৰলৈ আহিব সমগ্ৰ ঘটনা ৷