তামুলপুৰৰ দ্বাৰকুছিত ভয়ংকৰ পথ দুৰ্ঘটনাত থিতাতে নিহত ২ যুৱক

বাক্সা জিলাৰ তামুলপুৰ থানাৰ অন্তৰ্গত গান্ধীবাৰী আৰক্ষী চকীৰ অধীনৰ দ্বাৰকুছিত বুধবাৰে নিশা প্ৰায় ১১ বজাত এক ভয়ংকৰ পথ দুৰ্ঘটনা সংঘটিত হয় ।

দুৰ্ঘটনাটোত উত্তৰ গান্ধীবাৰী গাঁৱৰ নাৰায়ণ পাটোৱাৰীৰ পুত্ৰ বিনোদ পাটোৱাৰী আৰু ৰঙিয়াৰ অডিত দাসৰ পুত্ৰ গৌতম দাস থিতাতে নিহত হয় । জানিব পৰামতে, বিনীদ আৰু গৌতমে এ এছ-০১ ডি ই-৫০৩৪ নম্বৰৰ পালছাৰ গাড়ীখনেৰে ৰঙিয়াৰ পৰা তামুলপুৰৰ দিশে আহি থাকোঁতে ভূটান দিশৰ পৰা যোৱা এখন তীব্ৰবেগী ডাম্পাৰে দ্বাৰকুছিত তামুলপুৰ বন তালাচী চকীৰ সম্মুখতে যুৱক দুজনক মহতিয়াই নিয়াত যুৱক দুজন থিতাতে নিহত হয় ।

লগে লগে স্থানীয় ৰাইজ আৰু আৰক্ষীৰ সহযোগত যুৱক দুজনক মৃত অৱস্থাত উদ্ধাৰ কৰি মৃতদেহ দুটা তামুলপুৰ থানালৈ আনা হয় ।