পত্নী হত্যাত অভিযুক্ত বিজিত শইকীয়াৰ ফাঁচিৰ দাবীত জামুগুৰিহাটত প্ৰতিবাদ

জামুগুৰিহাটৰ পৰা প্ৰণৱ জ্যোতি ভট্টাচাৰ্য

শোণিতপুৰ জিলাৰ জামুগুৰি আৰক্ষী থানাৰ অন্তৰ্গত শ'লগুৰি গাঁৱত যোৱা ১৮ অক্টোবৰৰ নিশা এক হত্যাকাণ্ডৰ ঘটনা সংঘটিত হয় ৷

জামুগুৰিহাটৰ শ'লগুৰি গাঁৱৰ প্ৰফুল্ল শইকীয়াৰ পুত্ৰ বিজিত শইকীয়াই পত্নী পম্পী শইকীয়াক সিদিনা নিশা ঘৰৰ ভিতৰতে শাৰীৰিকভাৱে নিৰ্যাতন কৰি ডিঙি চেপি হত্যা কৰাৰ অভিযোগ তৰিছে পম্পীৰ পৰিয়ালৰ লগতে পম্পীৰ ডাঙৰ ককায়েকে ৷

জামুগুৰি আৰক্ষী থানাত এজাহাৰো দাখিল কৰিছিল এই সম্পৰ্কত ৷ আনহাতে, আজি পম্পীৰ পৰিয়াল আৰু গহপুৰবাসীৰ লগতে জামুগুৰিহাটৰ শ'লগুৰিবাসী ৰাইজেও জামুগুৰিহাটত এক প্ৰতিবাদী কাৰ্যসূচী হাতত লয় ৷

জামুগুৰি আৰক্ষী থানাত আজি প্ৰতিবাদ কৰাসকলে বিজিত শইকীয়াৰ ফাঁচিৰ দাবী জনায় ৷ উক্ত প্ৰতিবাদক জামুগুৰি আৰক্ষী থানাই সমৰ্থন জনাই হত্যাকাৰী বিজিত শইকীয়াৰ উচিত শাস্তিৰ বাবে তদন্ত অব্যাহত ৰাখিছে ৷