কলিয়াবৰত বনৰীয়া ম'হৰ আক্ৰমণত গুৰুতৰভাৱে আহত ১

কলিয়াবৰৰ পৰা প্ৰদীপ লস্কৰ

কলিয়াবৰত সংঘটিত হয় এক অঘটন । কাজিৰঙা ৰাষ্ট্ৰীয় উদ্যানৰ পৰা খাদ্যৰ সন্ধানত জন অৰণ্যলৈ উলাই অহা এটা বনৰীয়া গোণা ম'হে এজন যুৱকক আক্ৰমণ কৰি গুৰুতৰভাৱে আহত কৰে ।

জানিব পৰামতে, আজি পুৱা ৭মান বজাত নতুনডাঙ্গাৰ নিজা বাসগৃহৰ পাছফালে কাম কৰি থকা অৱস্থাত বিকাশ তেৰং নামৰ যুৱকজনক বনৰীয়া ম'হটোৱে হঠাৎ আহি আক্ৰমণ কৰি শৰীৰৰ বিভিন্ন অংশত আঘাত কৰাৰ লগতে সোঁভৰিতো গুৰুতৰভাৱে আঘাত পায় ।

পৰিয়ালৰ লোকে যুৱকজনক ততাতৈয়াকৈ  জখলাবন্ধা চিকিৎসালয়লৈ নিয়ে যদিও উন্নত চিকিৎসাৰ বাবে নগাঁৱলৈ প্ৰেৰণ কৰা হয় ।