কচুৱাত প্ৰতিমা বিসৰ্জনৰ গাড়ী দুৰ্ঘটনাগ্ৰস্ত

নগাঁৱৰ কচুৱা শিঙিমাৰীত শুকুৰবাৰে নিশা প্ৰতিমা বিসৰ্জন দি ওভতাৰ পথত এক ভয়ংকৰ পথ দুৰ্ঘটনা সংঘটিত হয় । নিয়ন্ত্ৰণ হেৰুৱাই পথৰ ওপৰত বাগৰি পৰে টাটা মেজিক ট্ৰাক । বাহনখনত থকা ৩০জন লোকৰ ভিতৰত প্ৰায় ১০জন লোক আহত হয় ।

আহতসকলৰ ভিতৰত পাঁচজনক সংকটজনক অৱস্থাত নগাঁৱৰ চিকিৎসালয়লৈ প্ৰেৰণ কৰা হয় । উল্লেখ্য যে দুৰ্ঘটনাত আহত ব্যক্তিসকলক প্ৰথমে শিঙিমাৰী ৰাজ্যিক চিকিৎসালয়ত ভৰ্তি কৰোৱা হয় যদিও চিকিৎসালয়খনত চিকিৎসক নথকাত এক উত্তপ্ত পৰিস্থিতিৰ সৃষ্টি হয় ।

পিছত কচুৱা আৰক্ষী চিকিৎসালয়ত উপস্থিতি হৈ পৰিস্থিতি নিয়ন্ত্ৰণ কৰে । চিকিৎসালয়তে ৰামলাল গোৱালা নামৰ ব্যক্তিজনৰ মৃত্যু হয় । দুৰ্ঘটনা পতিত হোৱা বাহনখনৰ নম্বৰ এ এছ-০২ বি চি-৪৯৪৮ ।