কামপুৰত বৃহৎ পৰিমাণৰ শামুক জব্দ

কামপুৰ ৰে'ল ষ্টেচনত আজি বৃহৎ পৰিমাণৰ শামুক জব্দ কৰা হয় । কামপুৰ কৃষক মুক্তি সংগ্ৰাম সমিতিয়ে জব্দ কৰে বৃহৎ পৰিমাণৰ শামুকখিনি । কামপুৰৰ পৰা ডিমাপুৰলৈ ৰে'লযোগে নিবলৈ খোজোঁতেই জব্দ কৰে শামুকখিনি ।

পিছত ঘটনাস্থলীত বন বিভাগৰ লোক উপস্থিত হৈ জব্দকৃত শামুকসমূহ চমজি লয় । ইফালে প্ৰকৃতিৰ বুকুৰ পৰা এইদৰে অবৈধভাৱে তুলি লৈ যোৱা এনে ধৰণৰ প্ৰাকৃতিক সম্পদৰ ওপৰত চোকা নজৰ ৰাখিবলৈ কৃষক মুক্তিৰ লগতে ৰাইজে বন বিভাগক দাবী জনায় ।