৬৮ সংখ্যক জন্মদিনটো বাৰাণসীত কটাব মোডীয়ে,এজাক শিশুৰ সৈতে চাব ছৱি

১৭ ছেপ্টেম্বৰ । প্ৰধানমন্ত্ৰী নৰেন্দ্ৰ মোডীৰ জন্মদিন । অহা ১৭ ছেপ্টেম্বৰত ভাৰতৰ প্ৰধানমন্ত্ৰী গৰাকীয়ে পালন কৰিব ৬৮ সংখ্যক জন্মদিন । প্ৰধানমন্ত্ৰী গৰাকীয়ে এই বিশেষ দিনটো কটাব বাৰাণসীত । উল্লেখযোগ্য যে বাৰাণসী হৈছে মোডীৰ নিজা লোকসভা সমষ্টি । প্ৰাপ্ত তথ্য অনুসৰি প্ৰধানমন্ত্ৰীগৰাকীয়ে সেই দিনা বাৰাণসীৰ কাশী বিশ্বনাথ মন্দিৰ দৰ্শন কৰিব । মোডীৰ সম্ভাব্য কাৰ্যসূচী প্ৰধানমন্ত্ৰী কাৰ্যালয়ে সংশ্লিষ্ট প্ৰশাসনলৈ ইতিমধ্যে প্ৰেৰণ কৰিছে ।

জীৱনৰ বিশেষ দিনটোত মোডীয়ে এজাক স্কুলীয়া ছাত্ৰ-ছাত্ৰীৰ সৈতে 'চলো জীতে হ্যেই' নামৰ ছৱিখনো উপভোগ কৰিব । একেদিনাই প্ৰধানমন্ত্ৰীগৰাকীয়ে এলানি উন্নয়নমূলক আঁচনি ঘোষণা কৰাৰো সম্ভাৱনা আছে । প্ৰধানমন্ত্ৰীৰ ভ্ৰমণসূচীৰ প্ৰস্তুতি পৰ্বৰ বুজ লৈ আছে মুখ্যমন্ত্ৰী যোগী আদিত্যনাথ ।