কংগ্ৰেছৰ 'ভাৰত বন্ধ'ৰ আহ্বানত স্তব্ধ গুৱাহাটীৰ জনজীৱন

পেট্ৰেল-ডিজেল, ৰন্ধন গেছৰ পৰা আৰম্ভ কৰি অত্যাৱশ্যকীয় সামগ্ৰী অস্বাভাৱিক মূল্যবৃদ্ধি আৰু ৰাফেল যুদ্ধ বিমান ক্ৰয় কেলেংকাৰী প্ৰতিবাদ জনাই আজি  নিখিল ভাৰত কংগ্ৰেছ কমিটিয়ে আহ্বান  জনোৱা দহ ঘন্টাৰ "ভাৰত বন্ধ"ত স্তদ্ধ হৈ পৰে গুৱাহাটী মহানগৰীৰ জনজীৱন। চান্দমাৰি, শিলপুখুৰী,গুৱাহাটী ক্লাব, ৰিজাৰ্ভ বেংক সকলোতে বন্ধৰ প্ৰভাৱ বাৰুকৈয়ে পৰা দেখিবলৈ পোৱা গৈছে ।

মহানগৰীৰ ৰাজপথত অন্য দিনে চলি থকা চিটি বাছ সমূহ আজি সম্পূৰ্ণ বন্ধ হৈ যোৱা দেখিবলৈ পোৱা যায় । তাৰ বিপৰীতে অসম চৰকাৰৰ পৰিবহন নিগমৰ বাছ সমূহ চলিছে যদিও বাছ সমূহত যাত্ৰী সংখ্যা তেনেই নগণ্য ।