ব'ৰ্ডিং পথাৰত আখৰাত ব্যস্ত 'শিৱসাগৰ সন্মলিত ছোৱালী হুঁচৰি দল'

#শিৱসাগৰৰ পৰা কল্যাণজ্যোতি বুঢ়াগোহাঁই:

নিৰ্বাচনৰ ধামখুমীয়াৰ মাজতে আহি পালেহি প্ৰতিগৰাকী অসমীয়াৰ হেঁঁপাহৰ ৰঙালী বিহুটি। 
গছে-বনেও সলাইছে নতুন পাত!কুলি-কেতেকীৰ মিঠা মাতে দিলে বিহুৰ জাননী। ধৰায়েও সেউজ আভৰণেৰে পিন্ধিছে নসাজ! প্ৰতিগৰাকী অসমীয়াৰ মন-প্ৰাণ এতিয়া থৌকিবাথৌ।  

শিৱসাগৰৰ ঐতিহাসিক ব'ৰ্ডিং খেলপথাৰত এতিয়া ব্যতিক্ৰমী ৰূপত এজাক মহাবিদ্যালয়ৰ ছাত্ৰীৰ মাজত চলিছে ৰঙালীক আদৰাৰ ব্যাপক প্ৰস্তুতি।'শিৱসাগৰ সন্মলিত ছোৱালী  হুঁচৰি দল'টোৱে শিৱসাগৰ ব'ৰ্ডিং পথাৰত এতিয়া বিহুৰ আখৰাত ব্যস্ত  হৈ পৰিছে।বিভিন্ন মহাবিদ্যালয়ৰ ছোৱালী একগোট হৈ এনেদৰে হাতে হাতে ঢোল,পেঁপা লৈ আখৰাত ব্যস্ত হৈ পৰা দেখা গৈছে। 

উল্লেখ্য যে যোৱা বছৰ ক'ভিড পৰিস্থিতিৰ বাবে হেঁঁপাহৰ ৰঙালী বিহুটি উদযাপনৰ পৰা বিৰত থাকিবলগীয়া হোৱাৰ বাবে এইবাৰ  নতুন উদ্যমেৰে ৰঙালী বিহুক আদৰিবলৈ‌ ব্যাপক প্ৰস্তুতি চলাইছে।