বকোত ভোটাৰৰ মাজত সজাগতা সৃষ্টিৰ বাবে চাইকেল ৰেলী

#বকোৰ পৰা বিষ্ণুৰাম দাস:

ৰাজ্যত চলিত অসম বিধানসভাৰ সাধাৰণ নিৰ্বাচনত সকলো ভোটাৰ ৰাইজৰ সহযোগ কামনা কৰি আৰু গণতন্ত্ৰ সঠিক ৰূপত প্ৰতিষ্ঠা কৰিবলৈ আহ্বান জনাযই জিলা নিৰ্বাচনী বিষয়াৰ উদ্যোগত চক্ৰ বিষয়াৰ জড়িয়তে ঠায়ে ঠায়ে উলিওৱা হয় চাইকেল ৰেলী। কামৰূপ জিলাৰ বকোতো বকো ৰাজহ চক্ৰৰ চক্ৰ বিষয়া দ্বীপশিখা শইকীয়াৰ তৎপৰতাত উলিওৱা হয় বৃহৎ চাইকেল ৰেলী।চলিত বিধানসভাৰ নিৰ্বাচন যাতে সুকলমে শান্তি -শৃংখলা ৰক্ষা কৰি সামৰণি পৰে আৰু সকলোৱে যাতে ভোটদান কৰে,তাৰ বাবে আহ্বান জনায়। বকো ৰাজহ চক্ৰৰ চক্ৰ বিষয়াৰ কাৰ্য্যালয়ৰ সম্মুখত চাইকেল ৰেলী আনুষ্ঠানিকভাৱে উদ্বোধন কৰে জিলা সহকাৰী আয়ুক্ত ছেহনাব চাহিনে।নেহৰু যুৱ কেন্দ্ৰ, কামৰূপৰ সহযোগত আয়োজন কৰা চাইকেল ৰেলীৰ লক্ষ্য আৰু উদ্দেশ্যৰ বিষয়ে জানিবলৈ দি জিলা সহকাৰী আয়ুক্ত ছেহনাব চাহিন আৰু বকো ৰাজহ চক্ৰৰ চক্ৰ বিষয়া দ্বীপশিখা শইকীয়াই কয় যে ভোট দান ৰাইজৰ অধিকাৰ।গণতন্ত্ৰ সঠিক ৰূপত প্ৰতিষ্ঠা কৰিবলৈ সকলোকে ভোটদান কৰাৰ বাবে আহ্বান জনায়। ভোট কেন্দ্ৰত যাতে এজনো ভোটাৰ ৰৈ নাযায় সেয়া লক্ষ্য কৰাটো সকলোৰে দায়িত্ব বুলি ৰাইজক সজাগ হোৱাৰ আহ্বান জনায়।