জন্মগাৱঁত সাংসদ দিলীপ শইকীয়াৰ ভোটদান

#দ্বিজেন ডেকা,ঘগ্ৰাপাৰ,১ এপ্ৰিল:

আজি দ্বিতীয় পৰ্য্যায়ৰ ভোটগ্ৰহণৰ দিনা মঙলদৈ লোকসভা সমষ্টিৰ সাংসদ তথা বিজেপি ৰাষ্ট্ৰীয় সাধাৰণ সম্পাদক দিলীপ শইকীয়াই নলবাৰী সমষ্টিৰ অন্তৰ্গত পূৰ্নকামদেৱ গাঁঁৱ ভোটদান কৰে৷ভোটদানৰ অন্তত সাংবাদিকৰে হোৱা সাক্ষাৎকাৰত সাংসদ গৰাকীয়ে কয় যে প্ৰথম আৰু দ্বিতীয় পৰ্য্যায়ৰ ভোটৰে আমি চৰকাৰ গঠন কৰিবলৈ সক্ষম হ'ম৷তৃতীয় পৰ্য্যায়ৰ ভোটেৰে আমাৰ ১০০+মিচন সম্পূৰ্ণ হ'ব৷সাক্ষাৎকাৰত তেওঁ কংগ্ৰেছ,এ আই ইউ ডি এফ আৰু বামপন্থীৰ মহাজোঁঁটক অসম বিৰোধী জোঁঁটবন্ধন বুলি উল্লেখ কৰে৷আনহাতে অজাপ আৰু ৰাইজৰ দলে এখনো আসন নাপায় বুলি দৃঢ়তাৰে সাংসদগৰাকীয়ে উল্লেখ কৰে৷উল্লেখযোগ্য যে এইবেলিৰ নিৰ্বাচনত পঞ্চায়তখনত ৮৭%তকৈ অধিক শতাংশ ভোটদানেৰে পূৰ্বৰ অভিলেখ ভংগ কৰে।