বকোত অসম জাতীয় পৰিষদৰ প্ৰক্ষেপিত প্ৰাৰ্থী দ্বীপজ্যোতি দাসৰ নিৰ্বাচনী তৎপৰতা

#বকোৰ পৰা বিষ্ণুৰাম দাস:

অসম আৰু অসমীয়াৰ অস্তিত্ব ৰক্ষাৰ আৱেগক প্ৰাধান্য দি জাতীয়তাবাদৰ নীতি-আদৰ্শক সন্মান জনাই সদ্য গঠিত ৰাজনৈতিক দল অসম জাতীয় পৰিষদে সমাগত অসম বিধানসভাৰ নিৰ্বাচনত কামৰূপ জিলাৰ বকোত এই বেলি দলীয় প্ৰাৰ্থী হিচাপে প্ৰক্ষেপ কৰিছে যুৱ নেতা দ্বীপজ্যোতি দাসক।

কামৰূপ জিলাৰ অন্যতম সমষ্টি ৪৮ নং বকো বিধানসভা সমষ্টিত সমাগত নিৰ্বাচনত অসম জাতীয় পৰিষদৰ প্ৰাৰ্থী দ্বীপজ্যোতি দাসে সমষ্টিৰ চুকে-কোণে আৰম্ভ কৰিছে নিৰ্বাচনী কুচকাৱাজ।এচাম নৱপ্ৰজন্মৰ যুৱক স্বেচ্ছাই ওলাই আহিছে অসম জাতীয় পৰিষদৰ সমৰ্থনত।অসম জাতীয় পৰিষদৰ কামৰূপ জিলাৰ আহ্বায়ক তথা বকো সমষ্টিৰ মুখ্য আহ্বায়কৰ লগতে দলৰ প্ৰক্ষেপিত প্ৰাৰ্থী দ্বীপজ্যোতি দাসে সমষ্টিটোত নিজৰ দলীয় কৰ্মীৰ সহযোগত ভোটাৰৰ কাষত ঠিয় হৈ মনৰ কথা ব্যক্ত কৰি ভোটৰে সমৰ্থন বিচাৰছে।অসম যুৱ শক্তিৰ কামৰূপ জিলা সমিতিৰ মুখ্য আহ্বায়ক নজৰুল হুছেইন আৰু কেইবাশতাধিক সমৰ্থক আৰু শুভাকাংখীৰ সহযোগত বকো সমষ্টিটোত আৰম্ভ কৰিছে প্ৰচাৰ অভিযান।

ইফালে,১৯ মাৰ্চ শুকুৰবাৰে দ্বীপজ্যোতি দাসে দাখিল কৰিব মনোনয়ন-পত্ৰ।মনোনয়ন-পত্ৰ দাখিল কাৰ্য্যসূচীত দলীয় কৰ্মীৰ উপৰিও সমষ্টিৰ কেইবা শতাধিক লোক অংশগ্ৰহণ কৰিব বুলি ঘোষণা কৰে দ্বীপজ্যোতি দাসে।