বৰাজোলত জয়ন্ত মল্ল বৰুৱাৰ হৈ প্ৰচাৰ চলালে মহাৰাষ্ট্ৰৰ প্ৰাক্তন মুখ্যমন্ত্ৰী দেৱেন্দ্ৰ ফাড়নাবিছে 

দ্বিজেন ডেকা,ঘগ্ৰাপাৰ:

নলবাৰী বিধানসভা সমষ্টিৰ অন্তৰ্গত ঘগ্ৰাপাৰত ভাৰতীয় জনতা পাৰ্টীৰ( মিত্ৰজোঁট ) এটি কাৰ্যালয় ১৬ মাৰ্চত ঘগ্ৰাপাৰ  হাইৱে চ'কৰ সমীপত মুকলি কৰে নলবাৰী সমষ্টিৰ প্ৰভাৰী প্ৰণৱ লহকৰে। কাৰ্যালয় মুকলি সভাত নলবাৰীৰ মিত্ৰজোঁটৰ প্ৰাৰ্থী জয়ন্ত মল্ল বৰুৱাই উপস্থিত থাকি দলৰ সকলো কৰ্মকৰ্তা আৰু কৰ্মীসকলক একগোট হৈ মিত্ৰজোঁটৰ প্ৰাৰ্থীৰ হৈ প্ৰচাৰ  চলাবলৈ আহ্বান জনায়। বৰুৱাই নিজ ভাষণত কংগ্ৰেছৰ কাৰ্যকালত  উন্নয়নৰ মুখ নেদেখা বৃহত্তৰ অঞ্চলটোৰ সামগ্ৰিক উন্নয়নত সৰ্বানন্দ সোনোৱাল নেতৃত্বাধীন বিজেপি চৰকাৰে গ্ৰহণ কৰা পদক্ষেপৰ খতিয়ান দাঙি ধৰি আগন্তুক নিৰ্বাচনত মিত্ৰজোঁটে ১লাখ ২০ ভোট পোৱা লক্ষ্য ৰাখিছে বুলি মন্তব্য কৰে।বড়িগোগ বনভাগ মণ্ডল বিজেপিৰ সাধাৰণ সম্পাদক মনোজ ডেকাই আঁত ধৰা কাৰ্যলয় মুকলি সভাত  ভালেসংখ্যক নেতা কৰ্মীকে ধৰি অগপ একাংশ স্থানীয় নেতাই অংশগ্ৰহণ কৰে।

ইয়াৰ অন্তত বড়িগোগ বনভাগ মণ্ডল  বিজেপিৰ উদ‍্যোগত সমষ্টিৰ বৰাজোলত এখন বিশাল যোগদান সভাত  মহাৰাষ্ট্ৰ  প্ৰাক্তন মুখ্যমন্ত্ৰী দেৱেন্দ্ৰ ফাড়নাবিছে অংশগ্ৰহণ কৰি মিত্ৰজোঁটৰ প্ৰাৰ্থী জয়ন্ত মল্ল বৰুৱাৰ হৈ প্ৰচাৰ চলায়।নলবাৰী জিলা বিজেপিৰ সম্পাদক পুলক শৰ্মাই আঁত ধৰা সভাখনত  নলবাৰী জিলা বিজেপিৰ সভাপতি ডাঃ মৃগাংক তালুকদাৰ,নলবাৰীৰ বিধায়ক অশোক শৰ্মা,মিত্ৰজোঁটৰ প্ৰাৰ্থী জয়ন্ত মল্ল বৰুৱাই বিজেপি মিত্ৰজোঁট প্ৰাৰ্থীক বিপুল ভোট বিজয় কৰাৰ বাবে ভোটাৰ ৰাইজক আহ্বান জনায়। সভাত মহাৰাষ্ট্ৰৰ প্ৰাক্তন মুখ্যমন্ত্ৰী দেৱেন্দ্ৰ ফাড়নাফিছে ভাষণত কংগ্ৰেছ-এ আই ইউ ডি এফক ক্ষুৰধাৰ সমালোচনা কৰি কংগ্ৰেছ -এ ইউ ডি এফ এটা মুদ্ৰা ইপিঠি-সিপিঠি বুলিও মন্তব্য কৰে। মহাৰাষ্ট্ৰৰ প্ৰাক্তন মুখ‍্যগৰাকীয়ে নিজৰ ভাষণত অসমৰ পৰা ড: মনমোহন সিঙে প্ৰতিনিধিত্ব কৰিছিল যদিও ছোনিয়া গান্ধীৰ নিৰ্দেশত উঠা-বহা কৰিব লগা হোৱাৰ বাবে অসমৰ কোনো সমস‍্যা সমাধান কৰিব নোৱাৰিলে বুলি কটাক্ষ কৰি সৰ্বানন্দ সোণোৱাল নেত্বাধীন চৰকাৰখনৰ উন্নয়নৰ খতিয়ান দাঙি ধৰে।লগতে ফাড়নাবিছে মহাজোঁটৰ চৰকাৰ হ'লে বদৰুদ্দিন আজমল মুখ্য মন্ত্ৰী হ'ব বুলি উল্লেখ কৰি কংগ্ৰেছ এ আই ইউ ডি এফৰ  কথা মতে উঠা বহা কৰিব লাগিব বুলি মন্তব্য কৰে।  সভাত অঞ্চলটোৰ কেইবা শতাধিক কংগ্ৰেছ আৰু বিভিন্ন দল -সংগঠনৰ  কৰ্মীৰ লগতে বজৰংগ দলৰ ৰাজ‍্যিক পৰ্যায়ৰ নেতা বৈকুণ্ঠ কলিতাৰ নেতৃত্বত প্ৰায় কুৰিগৰাকী বজৰংগ দলৰ কৰ্মীয়ে উক্ত সভাখনত বিজেপিত যোগদান কৰে। বিজেপি দলত যোগদান কৰি মিত্ৰজোঁটৰ প্ৰাৰ্থী জয়ন্ত মল্ল বৰুৱাৰ হাত শক্তিশালী কৰিব বুলি প্ৰতিশ্ৰুতি দিয়ে।লগতে বিজেপি দলৰ কাম-কাজত সন্তুষ্ট হৈ দলটোত যোগদান  কৰে বুলি যোগদানকাৰীসকলে মত ব‍্যক্ত কৰে। সভাত ৰাজ‍্যিক বিজেপিৰ মুখপাত্ৰ ৰূপম শৰ্মা,নলবাৰী জিলা পৰিষদৰ সভাপতি নিতুল ডেকা,বড়িগোগ বনভাগ মণ্ডল বিজেপিৰ সভাপতি ডিম্বেশ্বৰ বেজবৰুৱা আদিকে ধৰি প্ৰায় ৫ সহস্ৰাধিক বিজেপি কৰ্মী-সমৰ্থকে অংশগ্ৰহণ কৰে।