চানডুবিত হিতাধিকাৰীৰ মাজত সামগ্ৰী বিতৰণ 

নুৰুল ইছলাম,চানডুবিঃ

"যৌথ সংগ্ৰাম সমিতিৰ দ্বাৰা গঠিত ৰাভা হাছং স্বায়ত্ত্বশাসিত পৰিষদখনে ৰাইজৰ বহু কাম কৰিছে ৷" এই বক্তব্য ৰাভা হাছং স্বায়ত্ত্বশাসিত পৰিষদৰ চানডুবি পৰিষদীয় সমষ্টিৰ সাধাৰণ সদস্য নৃপেন চন্দ্ৰ ৰাভাৰ ৷ পলাশবাৰী বিধানসভা সমষ্টি তথা চানডুবি পৰিষদীয় সমষ্টিৰ অন্তৰ্গত বৰদুৱাৰ বাগানৰ নিকটৱৰ্তী কলঘৰ যুৱ ক্লাবত বৃহস্পতিবাৰে পৰিষদৰ বিত্তীয় পুঁজিৰ জৰিয়তে হিতাধিকাৰীৰ মাজত টিনপাত,চকী, ৰেচম সামগ্ৰী, ফুটবল ,স্প্ৰে মেচিন,সৌৰচাকি,বিচনাৰ সামগ্ৰী আদি বিতৰণ কৰা হয় ৷ চানডুবি পৰিষদীয় সমষ্টি নিৰীক্ষণ সমিতিৰ সম্পাদক সিদ্ধাৰ্থ ৰাভাই পৰিচালনা কৰা উক্ত কাৰ্যসুচীৰ শুভাৰম্ভ কৰি সমষ্টিটোৰ সাধাৰণ সদস্য নৃপেন চন্দ্ৰ ৰাভাই পৰিষদীয় সমষ্টিটোৰ অন্তৰ্গত ৰাইজক এনেদৰে সহায় কৰিবলৈ পাই সুখ অনুভৱ কৰা বুলি কয় ৷ তদুপৰি পৰিষদখনৰ জড়িয়তে পৰিষদীয় এলেকাত বসবাস কৰা সকলো জাতি-ধৰ্ম -নিৰ্বিশেষে সীমান্তৱৰ্তী অঞ্চলটোৰ ৰাইজৰ বিকাশৰ হেতু অনাগত দিনতো উন্নতিৰ প্ৰচেষ্টা অব্যাহত ৰখা বুলিও উল্লেখ কৰে তেওঁ ৷ তদুপৰি,সৰ্বাংগীন বিকাশৰ জড়িয়তে সৰ্ববৃহৎ অঞ্চলটো আগুৱাই নিয়াৰ ক্ষেত্ৰত সকলোকে সহযোগিতা আগবঢ়াবলৈ আহ্বান জনায় পৰিষদীয় নেতা ৰাভাই ৷ ইফালে, চানডুবি সমষ্টি নিৰীক্ষণ সমিতিৰ কেইবাগৰাকীও বিষয়ববীয়াৰ উপৰি যৌথ সংগ্ৰাম সমিতিৰ দেৱজি নাফা, হৰমোহন ৰাভা, চাহজাহান আলি ,কন্টকৰাম ৰাভাকে ধৰি একাংশ কৰ্মকৰ্তা উক্ত কাৰ্যসূচীত উপস্থিত আছিল ৷