নলবাৰীত পঞ্চ সাহিত্য কাণ্ডাৰীৰ "গৌৰৱ সৌধ" উন্মোচন

দ্বিজেন ডেকা,ঘগ্ৰাপাৰ:

অসম সাহিত্য সভাৰ কাণ্ডাৰী তথা প্ৰাক্তন সভাপতি ক্ৰমে শৰৎ চন্দ্ৰ গোস্বামী, ৰঘুনাথ চৌধাৰী,ত্ৰৈলোক্য নাথ গোস্বামী,গিৰিধৰ শৰ্মা আৰু কনক সেন ডেকাৰ আবক্ষ মূৰ্তি ২৫ ডিচেম্বৰত অসম সাহিত্য সভাৰ সভাপতি কুলধৰ শইকীয়াৰ উপস্থিতিত আনুষ্ঠানিকভাৱে শুভ উন্মোচন কৰে নলবাৰী সমষ্টিৰ বিধায়ক অশোক শৰ্মাই।গায়িকা ময়ূৰী দত্ত চৌধুৰীয়ে আঁত ধৰা অনুষ্ঠানটোত উপস্থিত থাকে অসম প্ৰকাশন পৰিষদৰ সচিব প্ৰমোদ কলিতা,নলবাৰী জিলা সাহিত্য সভাৰ সভাপতি ধ্ৰুৱজ্যোতি শৰ্মা,নলবাৰী জিলা পৰিষদৰ অধ্যক্ষ নিতুল ডেকা,বিশিষ্ট সাংবাদিক তথা 'দৈনিক অগ্ৰদূত'ৰ সম্পাদক প্ৰাঞ্জল সেন ডেকাৰ লগতে বহু কেইগৰাকী বিশিষ্ট ব্যক্তি।

উল্লেখ‍্য যে নলবাৰী চহৰৰ গোপাল বজাৰস্থিত "তিনিকোণীয়া পুখুৰী উদ‍্যান"ত ২০১৮-১৯ বৰ্ষৰ সমষ্টিৰ উন্নয়ন পুঁজিৰে নৱনিৰ্মিত উক্ত "পঞ্চ কাণ্ডাৰী গৌৰৱ সৌধ" স্থাপন কৰা হৈছিল।