নলবাৰীৰ ক্ষুদ্ৰবিষ্টুপুৰ-সাহানবিষ্টুপুৰ 'আছু'ৰ শাখা ছাত্ৰ সন্থা গঠন

দ্বিজেন ডেকা,ঘগ্ৰাপাৰ:

সদৌ নলবাৰী জিলা ছাত্ৰ সন্থাৰ পশ্চিম বনভাগ আঞ্চলিক ছাত্ৰ সন্থাৰ অন্তৰ্গত ক্ষুদ্ৰবিষ্টুপুৰ- সাহানবিষ্টুপুৰ শাখা ছাত্ৰ সন্থা ২০ ডিচেম্বৰত গঠন কৰা হয় । ক্ষুদ্ৰবিষ্টুপুৰ প্ৰাথমিক বিদ্যালয়ত অনুষ্ঠিত সভাত সভাপতিত্ব কৰে পশ্চিম বনভাগ আঞ্চলিক ছাত্ৰ সন্থাৰ ভাৰপ্ৰাপ্ত সভাপতি অমৰজ্যোতি দাসে।সভাৰ উদ্দেশ্য ব্যাখ্যা কৰে পশ্চিম বনভাগ আঞ্চলিক ছাত্ৰ সন্থাৰ সহ: সাধাৰণ সম্পাদক শংকৰ কলিতাই । আছুৰ দৃষ্টিভংগী ব্যাখ্যা কৰে সদৌ নলবাৰী জিলা ছাত্ৰ সন্থাৰ উপ সভাপতি উৎপল কলিতাই । আমন্ত্ৰিত অতিথিৰ ভাষণ প্ৰদান কৰে সদৌ নলবাৰী জিলা ছাত্র সন্থাৰ সাংগঠনিক সম্পাদক ৰঞ্জিত শৰ্মাই ।ছাত্র-ছাত্রী উপস্থিত থকা সভাখনত হিমাংশু কলিতাক সভাপতি,বিশাল কলিতাক উপ- সভাপতি,মৃন্ময় ৰাজবংশীক সাধাৰণ সম্পাদক,প্ৰীতিৰেখা ৰাজবংশীক সহ:সম্পাদিকা হিচাপে লৈ ১৫ জনীয়া ক্ষুদ্ৰবিষ্টুপৰ সাহানবিষ্টুপুৰ শাখা ছাত্র সন্থা কমিটীখন গঠন কৰা হয় । উক্ত শাখা কমিটী গঠন সভাত পশ্চিম বনভাগ আঞ্চলিক ছাত্ৰ সন্থাৰ উপ-সভাপতি ৰেকিবুদ্দিন আহমেদ,সাংগঠনিক সম্পাদক ধনজিত কলিতা উপস্থিত থাকে।