নলবাৰীত তিনিটা ভূ-মাফিয়া আৰক্ষীৰ জালত

দ্বিজেন ডেকা,ঘগ্ৰাপাৰ,২০ ডিচেম্বৰঃ

নলবাৰী জিলাৰ বৰক্ষেত্ৰীৰ দৌলাশালত আজি তিনিটা ভূ -মাফিয়া আৰক্ষীৰ জালত পৰে।বলপূৰ্বকভাৱে ভূমি দখল কৰাৰ চেষ্টাত দৌলাশাল আৰক্ষীয়ে আটক কৰিলে তিনিটা ভূ-মাফিয়াক।স্থানীয় মহৰুদ্দিন,মফিদুল ইছলাম,চাকাত আলীক গ্ৰেপ্তাৰ কৰে দৌলাশাল আৰক্ষীয়ে।আফজালুৰ ৰহমান নামৰ লোক এজনৰ ভূমি অবৈধভাৱে দখল কৰাৰ কু-চক্ৰান্ত কৰি থকাৰ অভিযোগ তিনি ভূ- মাফিয়াৰ বিৰুদ্ধে।ভুক্তভোগী আফজালুৰ ৰহমানে ন্যায় বিচাৰি এজাহাৰ দাখিল কৰিছিল দৌলাশাল আৰক্ষীক।আফজালুৰ ৰহমানৰ এজাহাৰৰ ভিত্তিত দৌলাশাল আৰক্ষীয়ে অভিযান চলাই তিনি ভূ-মাফিয়াক গ্ৰেপ্তাৰ কৰি ন্যায়িক জিম্মালৈ প্ৰেৰণ কৰে।উল্লেখযোগ্য যে ঘৰুৱাবাহা নামৰ ঠাইখিনিত এটা দুষ্ট চক্ৰই ভূ -মাফিয়াগিৰি চলাই থকাৰ গুৰুতৰ অভিযোগ পূৰ্বৰ পৰাই আছিল।