নলবাৰীত তিনিদিনীয়া তবলা কৰ্মশালাৰ সামৰণি

দ্বিজেন ডেকা,ঘগ্ৰাপাৰ,১৪ ডিচেম্বৰ: নলবাৰী সত্ৰ গোঁসাইপাৰাত যোৱা ১২ ডিচেম্বৰ তাৰিখৰ পৰা আৰম্ভ হোৱা তিনিদিনীয়া তবলা প্ৰশিক্ষণ শিবিৰৰ ১৪ ডিচেম্বৰৰ সন্ধিয়া সামৰণি পৰে।পণ্ডিত বিক্ৰম ঘোষ তথা কলকাতাৰ ৰবীন্দ্ৰ ভাৰতী বিশ্ববিদ্যালয়ৰ প্ৰাক্তন ছাত্ৰ জ্যোতিৰ্ময় দাসে এই অনুষ্ঠানৰ প্ৰশিক্ষক হিচাপে অংশগ্ৰহণ কৰে। জিলাখনৰ ভালেমান প্ৰশিক্ষাৰ্থীক এই কৰ্মশালাত তবলাৰ ধ্ৰুপদী তাল,কায়দা,ৰেলা আদিৰ দিশত বিশেষ বাদনৰ প্ৰশিক্ষণ দিয়া হয়। আজি সন্ধিয়া ৫ বজাত সামৰণি পৰা কৰ্মশালাৰ মঞ্চত এটা বিশেষ সাংস্কৃতিক অনুষ্ঠান সম্পন্ন হয়। অনুষ্ঠানত স্থানীয় বহু শিল্পীয়ে গীত মাত,বাদ্য আদি পৰিৱেশন কৰে।