সাহানবিষ্টুপুৰত 'আপ'ৰ সাংগঠনিক সভা:১৫ নং দিহজাৰী গাওঁ পঞ্চায়ত তদৰ্থ কমিটী গঠন

দ্বিজেন ডেকা,ঘগ্ৰাপাৰ:

আগন্তুক ২০২১ চনৰ নিৰ্বাচনৰ বাবে বিভিন্ন ৰাজনৈতিক দলসমূহে প্ৰস্তুতি চলাইছে।পিচ পৰি থকা নাই 'আম আদমী পাৰ্টী'ও।আম আদমী পাৰ্টিয়ে বিভিন্ন ঠাইত সভা-সমিতি অনুষ্ঠিত কৰি চলাইছে নিৰ্বাচনী প্ৰস্তুতি । দেওবাৰে নলবাৰী জিলাৰ ৫৯ নং নলবাৰী বিধানসভা সমষ্টিৰ সাহানবিষ্টুপুৰত অনুষ্ঠিত হয় 'আপ'ৰ এখন সাংগঠনিক সভা।

১৫ নং দিহজাৰী গাওঁ পঞ্চায়তৰ ভিন্ন প্ৰান্তৰ অৰ্ধ শতাধিক কৰ্মকৰ্তা উপস্থিত থকা সভাখনত সভাপতিত্ব কৰে 'আপ'ৰ নলবাৰী জিলা সমিতিৰ সমন্বয়ক আনচুল হকে।সভাখনৰ আঁঁত ধৰে যুৱকৰ্মী প্ৰাঞ্জল কলিতাই। সভাখনত আপৰ নলবাৰী জিলা সমিতিৰ  সম্পাদক পংকজ লোচন ডেকা,নলবাৰী সমষ্টিৰ সমন্বয়ক আছিফ জামান উপস্থিত থাকি ভাষণ প্ৰদান কৰে। সভাখনত প্ৰাঞ্জল কলিতাক সমন্বয়ক,প্ৰীতম কলিতাক সহ:সমন্বয়ক,ৰূপজ্যোতি কলিতাক সম্পাদক,নয়ন বৈশ্যক কোষাধ্যক্ষ,আফজল আলী আৰু আব্দুল আলীক আইটি চেলৰ  সদস্য হিচাপে লৈ আম আদমী পাৰ্টীৰ ১৫ নং দিহজাৰী গাওঁ পঞ্চায়ত তদৰ্থ কমিটীখন গঠন কৰা হয় ।