পুৱাই মহানগৰীত আবকাৰী অভিযান:উৎখাত ৮টাকৈ অবৈধ মদৰ ভাটী

বৃহস্পতিবাৰে পুৱাই গুৱাহাটী মহানগৰীত আবকাৰী বিভাগৰ অভিযান।গুৱাহাটী সদৰ আবকাৰী বিভাগে মালিগাঁৱত অভিযান চলাই নষ্ট কৰে বহু পৰিমাণৰ চুলাই মদ।লগতে উৎখাত কৰে ভাটী।

মহানগৰীৰ মালিগাঁঁৱৰ মিঠাআম,আদিংগিৰীত পুৱা চলা আবকাৰী অভিযানৰ নেতৃত্বত আছিল অধীক্ষক দেৱজিৎ নাথ।উপ-অধীক্ষক অনন্ত কলিতা আৰু নজৰুল ইচলামো অভিযানত উপস্থিত আছিল।

আবকাৰী বিভাগৰ উপ-অধীক্ষক অনন্ত কলিতাই সংবাদ মাধ্যমক জানিবলৈ দিয়া অনুসৰি-"মিঠাআম,আদিংগিৰী অঞ্চলত ১৫০ লিটাৰ চুলাই নষ্ট কৰাৰ লগতে ৮টাকৈ চুলাই ভাটী উৎখাত কৰে।লগতে মদ প্ৰস্তুতিত ব্যৱহাৰ কৰা কৰা সামগ্ৰীও নষ্ট কৰে।"

গুৱাহাটীত ধাৰাবাহিকভাৱে অবৈধ চুলাই মদৰ বিৰুদ্ধে আবকাৰী বিভাগৰ এই অভিযান চলি থাকিব বুলি উল্লেখ কৰে আবকাৰী বিষয়াগৰাকীয়ে।