উলুৱনী আৰক্ষীয়ে জব্দ কৰিলে ৭৮ টা চোৰাং গৰুসহ ১৩ খন বাহন,আটক ২৫ জন লোক

কলিয়াবৰৰ পৰা প্ৰদীপ লস্কৰ:

ৰাজ্যত অব্যাহত আছে গৰুৰ চোৰাং বেহা। কলিয়াবৰৰ উলুৱনী আৰক্ষীয়ে মঙলবাৰৰ নিশা অভিযান চলাই ৭৮ টা চোৰাং গৰুসহ ১৩খন সৰু-ডাঙৰ বাহনৰ লগতে চালক,হেণ্ডিমেনসহ ২৫জনকৈ লোকক আটক কৰিবলৈ সক্ষম হয়।

উল্লেখ্য যে এই চোৰাং গৰুসমূূহ উজনি অসম আৰু উত্তৰ পাৰৰ পৰা অনা হৈছে।গুৰুত্বপূৰ্ণ যে চোৰাং গৰু কঢ়িওৱা বাহনসমূূূহে পাই অহা প্ৰায়বোৰ থানাতে পাঁচশৰ পৰা দুহেজাৰ টকা পৰ্যন্ত দি আহিবলগা হৈছে বুলি চালক-হেণ্ডিমেনৰ পৰা জানিব পৰা গৈছে।এইক্ষেত্ৰত চুলুং আৰু বাগৰি আৰক্ষী থানাৰ নাম উল্লেখযোগ্য। এনেদৰেই আৰক্ষীৰ লগত গোপন বুজাবুজিৰেই ৰাজ্যত চলি আছে চোৰাং গৰুৰ সৰবৰাহ।