সৰভোগত বেঁকী নৈৰ গৰাখহনীয়া পৰিদৰ্শন বিধায়ক ৰণজিৎ কুমাৰ দাসৰ

ৰঞ্জিত তালুকদাৰ,বৰপেটাৰোড:

সৰভোগ সমষ্টিৰ অন্তৰ্গত সৰভোগৰ কেতেকীবাৰী আৰু আমগুৰি অঞ্চলৰ বেঁকী নৈৰ গৰাখহনীয়া অঞ্চল মঙলবাৰে পুৱাৰ ভাগত পৰিদৰ্শন কৰে স্থানীয় বিধায়ক তথা  ৰাজ্যিক বিজেপিৰ সভাপতি ৰণজিৎ কুমাৰ দাসে।বিধায়ক দাসে বেঁকী নৈৰ গৰাখহনীয়াগ্ৰস্ত অঞ্চলটোৰ স্থানীয় ৰাইজৰ সৈতে বাৰ্তালাপ কৰাৰ লগতে সামগ্ৰিক পৰিস্থিতিৰ বুজ লয়।তেওঁক পৰিদৰ্শন কালত সংগ দিয়ে জলসম্পদ বিভাগৰ বৰপেটা সংমণ্ডলৰ কাৰ্য্যবাহী অভিযন্তা পুলক চৌধুৰী, বিজেপিৰ চক'চকা ব্লক মণ্ডলৰ সভাপতি সম্পদ দাসে।