নলবাৰীৰ সাগৰকুছিত 'আছু'ৰ শাখা ছাত্ৰ সন্থা গঠন

দ্বিজেন ডেকা,ঘগ্ৰাপাৰ:

সদৌ নলবাৰী জিলা ছাত্ৰ সন্থাৰ পশ্চিম বনভাগ আঞ্চলিক  ছাত্ৰ সন্থাৰ অন্তৰ্গত  সাগৰকুছি শাখা ছাত্ৰ সন্থা ১৭ জুলাইত গঠন কৰা হয়।সাগৰকুছি জ্ঞানদ্বীপ সংঘত অনুষ্ঠিত সভাত সভাপতিত্ব কৰে পশ্চিম বনভাগ আঞ্চলিক ছাত্ৰ সন্থাৰ উপ-সভাপতি  ৰেকিবউদ্দিন  আহমেদে।সভাৰ উদ্দেশ্য ব্যাখ্যা কৰে পশ্চিম বনভাগ আঞ্চলিক ছাত্ৰ সন্থাৰ উপ সভাপতি অমৰজ্যোতি দাসে।'আছু'ৰ দৃষ্টিভংগী ব্যাখ্যা কৰে পশ্চিম বনভাগ আঞ্চলিক ছাত্ৰ সন্থাৰ সভাপতি তথা সদৌ নলবাৰী জিলা ছাত্ৰ  সন্থাৰ কাৰ্য্যনিৰ্বাহক সদস্য ৰঞ্জিত শৰ্মাই।ভালেসংখ্যক ছাত্ৰ উপস্থিত থকা সভাখনত পৰাগ কলিতাক সভাপতি,কমল দাসক সাধাৰণ সম্পাদক  হিচাপে লৈ ১৫ জনীয়া  সাগৰকুছি শাখা ছাত্র সন্থাৰ কমিটীখন গঠন কৰা হয়।উক্ত শাখা কমিটী গঠন সভাত পশ্চিম বনভাগ আঞ্চলিক ছাত্ৰ সন্থাৰ সহ:সম্পাদক শংকৰ কলিতা,  সাংগঠনিক সম্পাদক ধনজিত কলিতা,শিক্ষা সম্পাদক শুভ্ৰংকৰ চৌধুৰী,কাৰ্য্যনিৰ্বাহক সদস্য ধনজিত দাস উপস্থিত থাকে।নতুন সমিতিখনক সদৌ নলবাৰী জিলা ছাত্ৰ সন্থাৰ উপ-সভাপতি উৎপল কলিতাই ধন্যবাদ জনায়।