শুৱালকুছিৰ জ্যেষ্ঠ সমাজকৰ্মী-ধৰ্মপ্ৰাণ ব্যক্তি মহিন্দ্ৰ দাসৰ মৃত্যু 

মৃণাল ডেকা,শুৱালকুছি:

কামৰূপ জিলাৰ  বস্ত্ৰনগৰী শুৱালকুছিৰ শঙ্কৰ মন্দিৰ ৰোড নিবাসী জ্যেষ্ঠ নাগৰিক তথা ধৰ্মপ্ৰাণ ব্যক্তি মহিন্দ্ৰ দাসৰ (৮৬) বছৰ বয়সত  বৃহস্পতিবাৰে পুৱা নিজ বাসভৱনত মৃত্যু হয় ৷ মহিন্দ্ৰ দাসৰ মৃত্যুত বস্ত্ৰনগৰী শুৱালকুছিত শোঁকৰ ছাঁ পৰিছে।বয়সে হাৰ নমনা ব্যক্তি  মহিন্দ্ৰ দাস গ্লাচ বাইণ্ডিং ব্যৱসায়ত জড়িত আছিল।শ্ৰীশ্ৰীশংকৰদেৱ মন্দিৰৰ নাম-প্ৰসঙ্গৰ লগত ওতপ্ৰোতভাৱে জড়িত মহিন্দ্ৰ দাস শুৱালকুছিৰ সমাজ জীৱনৰ লগতো নিবিড়ভাৱে জড়িত আছিল।তেওঁঁৰ মৃতদেহত  বিভিন্ন অনুষ্ঠান-প্ৰতিষ্ঠান আৰু ব্যক্তিয়ে শেষ শ্ৰদ্ধা নিবেদন কৰে।মৃত্যুৰ সময়ত তেওঁঁ পত্নীৰ সৈতে এগৰাকী পুত্ৰ,বোৱাৰী,দুগৰাকী জী আৰু জোৱাইৰ লগতে গুণমুগ্ধসকলক এৰি থৈ যায়।