গহপুৰৰ বিধায়ক উৎপল বৰাৰ জনহিতকৰ পদক্ষেপ

গহপুৰ সমষ্টিৰ বিধায়ক উৎপল বৰাই যাতায়াতৰ অনুপযোগী একাংশ বাট-পথত নিজাববীয়াকৈ শিল-বালি পেলাই যাতায়াতৰ উপযোগী কৰি তুলিবলৈ প্ৰয়াস কৰা দেখা গৈছে ।

কেৱল চৰকাৰী আঁচনিৰ ধনলৈ বাট নাচাই জনপ্ৰতিনিধিগৰাকীয়ে অব্যাহত ৰখা এই ব্যতিক্ৰমী প্ৰয়াসক সচেতন ৰাইজে শলাগ লৈছে । ৰাইজৰ অসুবিধাৰ প্ৰতি লক্ষ্য ৰাখি এতিয়ালৈকে জনপ্ৰতিনিধিগৰাকীয়ে ব্যক্তিগতভাৱে প্ৰায় ৯ লাখ টকাৰ শিল-বালি পেলাই পথসমূহ যাতায়াতৰ উপযোগী কৰি তুলিছে বুলি জানিব পৰা গৈছে ।

শেহতীয়াকৈ গহপুৰ চাহ বাগিচাৰ মাজেৰে লাউদাঙি সংযোগী পথ আৰু ১৫ নম্বৰ ৰাষ্ট্ৰীয় ঘাইপথ (মাগনী)ৰ পৰা ননকে মাগনী সংযোগী পথলৈ যোৱা বিধ্বস্ত পথ দুটাও জনপ্ৰতিনিধিগৰাকীয়ে যাতায়াতৰ উপযোগী কৰিবলৈ শিল-বালি পেলাই গাঁতসমূহ পুতি সমান কৰি দিছে ।