ৰাজ্যৰ চাৰিটা সমষ্টিত চলিছে উপনিৰ্বাচনৰ ভোটগ্ৰহণ

আজি পুৱা ৭ বজাৰ পৰা চলি আছে জনিয়া,সোণাৰি,ৰাতাবাৰী,ৰঙাপৰা সমষ্টিৰ উপনিৰ্বাচনৰ ভোটগ্ৰহণ।ভোটকেন্দ্ৰসমূহত পুৱাৰে পৰা দেখা গৈছে ভোটাৰৰ শাৰী।

জনিয়া সমষ্টিত  ১,৮৮,২১৪ গৰাকী ভোটাৰ ভাগ্য নিৰ্ণয় কৰিব ৯ গৰাকী প্ৰাৰ্থীৰ।সমষ্টিটোত তিনিকোণীয়া প্ৰতিদ্বন্দ্বিতা হ'ব।বিজেপিৰ তৌফিক ৰহমান,কংগ্ৰেছৰ চামচুল হক আৰু এআইইউডিএফৰ হাফিজ ৰফিকুল ইছলামৰ মাজত হ'ব মূল নিৰ্বাচনী যুঁজখন।সোণাৰি সমষ্টিত ১,৭০,৫৮৭ গৰাকী ভোটাৰ ভাগ্য নিৰ্ণয় কৰিব বিজেপিৰ নৱনীতা সন্দিকৈ আৰু কংগ্ৰেছৰ সুশীল চুড়ীৰ।

ৰাতাবাৰী সমষ্টিত ১,৬৪,৮৩০ গৰাকী ভোটাৰে ভাগ্য নিৰ্ণয় কৰিব চাৰিগৰাকী প্ৰাৰ্থীৰ।মূল যুঁজখন হ'ব বিজেপিৰ বিজয় মালাকৰ আৰু কংগ্ৰেছৰ কেশৱ প্ৰসাদ ৰজকৰ মাজত।ইফালে,ৰঙাপৰা সমষ্টিত ১ লাখ ৫৪ হেজাৰ ৯৬৯ গৰাকী ভোটাৰে ভাগ্য নিৰ্ণয় নিৰ্ণয় কৰিব ৫ গৰাকী প্ৰাৰ্থীৰ।সমষ্টিটোত কংগ্ৰেছৰ কাৰ্তিক কুৰ্মী আৰু বিজেপিৰ ৰাজেন বৰঠাকুৰৰ মাজত মূল যুঁজখন হ'ব।