খানাপাৰাত আটক ড্ৰাগছ সৰবৰাহকাৰী মহিলা

বুধবাৰে পুৱাই খানাপাৰাত আৰক্ষীয়ে আটক কৰে ড্ৰাগছ সৰবৰাহকাৰী মহিলাক।বশিষ্ঠ আৰক্ষীয়ে পুৱাই খানাপাৰাৰ উৰণীয়া সেতুৰ তলত আটক কৰে ড্ৰাগছ সৰবৰাহকাৰী মহিলা দুগৰাকীক৷ মহিলা দুগৰাকীৰ পৰা বশিষ্ঠ আৰক্ষীয়ে কেইবাটাও ড্ৰাগছভৰ্তি টেমা , ডেনড্ৰাইটৰ লগতে তিনিটা মোবাইল জব্দ কৰে ৷ মহিলা দুগৰাকীৰ নাম শান্তি ছেত্ৰী আৰু পদুমী গগৈ বুলি জানিবলৈ পৰা গৈছে ৷ অধিক সোধপোছৰ বাবে বৰ্তমান  বশিষ্ঠ থানাত মহিলা দুগৰাকীক ৰখা হৈছে বুলিও জনা গৈছে৷