মাজুলী জিলা পৰিষদৰ মুখ্য কাৰ্যবাহী বিষয়া নৰনাৰায়ণ নাথৰ কাৰ্যভাৰ গ্ৰহণ

নিউজ এএছএন প্ৰতিবেদক, মাজুলী

মাজুলী জিলা পৰিষদৰ প্ৰথমগৰাকী স্থায়ী মুখ্য কাৰ্যবাহী বিষয়া হিচাপে মঙল বাৰে কাৰ্যভাৰ গ্ৰহণ কৰে নৰনাৰায়ণ নাথে। অসম অসামৰিক সেৱাৰ জ্যেষ্ঠ বিষয়া নাথে কমলাবাৰীত থকা জিলা পৰিষদৰ কাৰ্যালয়ত পৰিষদখনৰ ভাৰপ্ৰাপ্ত মুখ্য কাৰ্যবাহী বিষয়া তথা অতিৰিক্ত উপায়ুক্ত নৰেন দাসৰ পৰা আনুষ্ঠানিকভাৱে এই দায়িত্ব গ্ৰহণ কৰে। নতুন মুখ্য কাৰ্যবাহী বিষয়াগৰাকীৰ যোগদানৰ সময়ত মাজুলী জিলা পৰিষদৰ সভানেত্ৰী পাপু হাজৰিকা দত্তও উপস্থিত থাকে। উল্লেখ্য যে ১৯৯৫ বৰ্ষৰ এচিএছ বিষয়া নাথক ৰাজ্য চৰকাৰে এসপ্তাহ পূৰ্বে পদোন্নতিৰে মাজুলী জিলা পৰিষদৰ মূখ্য কাৰ্যবাহী বিষয়া হিচাপে নিযুক্তি দিয়ে।এই নিযুক্তিৰ পূৰ্বে তেওঁ শোণিতপুৰ জিলাত অতিৰিক্ত উপায়ুক্ত হিচাপে কাৰ্যনিৰ্বাহ কৰি আছিল।