গুৱাহাটী ৰেল ষ্টেচনত  জব্দ বৃহৎ পৰিমাণৰ গাঞ্জা :এজনক আটক 

নিউজ ডেস্ক :

আজি পুৱা গুৱাহাটী ৰে'লৱে আৰক্ষীয়ে উদ্ধাৰ কৰে  বৃহৎ পৰিমাণৰ গাঞ্জা। ৰে'লৱে আৰক্ষীয়ে যোৰহাটৰ এজন যুৱকৰ পৰা এই  বৃহৎ পৰিমাণৰ গাঞ্জা উদ্ধাৰ কৰিবলৈ সক্ষম হয়। ধৃত যুৱকজনক ভাস্কৰ বৰুৱা(২৩) বুলি আৰক্ষীয়ে চিনাক্ত কৰিছে। ধৃত ভাস্কৰৰ ঘৰ যোৰহাটৰ মৰিয়নি থানাৰ অন্তৰ্গত কেনেদি পার্কত বুলি জানিব পৰা গৈছে।

জানিব পৰা মতে আজি পুৱা প্ৰায় ৭ বজাত ৰে'লৱে আৰক্ষীয়ে অভিযান চলাই ৫ কেজি গাঞ্জা সহ আটক কৰে ভাস্কৰক। গাঞ্জা খিনিৰ মূল্য প্ৰায় ৪০ হাজাৰ টকা হ'ব বুলি ৰে'লৱে আৰক্ষীয়ে জানিবলৈ দিয়ে ।

ষ্টেচনৰ ১ নং প্লেটফৰ্মত ৰখাই থোৱা নামনিমুৱা ১২৪২৩ নম্বৰৰ ৰাজধানী এক্সপ্ৰেছৰ ৮ নং ডবাৰ পৰা আৰক্ষীয়ে গাঞ্জাসহ যুৱকজনক আটক কৰিবলৈ সক্ষম হয়।