ৰাজ্যজুৰি মহাপুৰুষ শ্ৰীমন্ত শংকৰদেৱৰ তিৰোভাৱ তিথি পালন

নিউজ ডেস্ক:
আজি মহাপুৰুষ শ্ৰীমন্ত শংকৰদেৱৰ ৪৫১ সংখ্যক তিৰোভাৱ তিথি। ৰাজ্যৰ সত্ৰ-নামঘৰ আদিত পুৱাৰে পৰা মহাপুৰুষজনাৰ স্মৰণেৰে নাম-প্ৰসংগ কৰিছে বৈষ্ণৱ ভক্তসকলে। বিভিন্ন নামঘৰ-সত্ৰৰ লগতে গুৰুজনাৰ জন্মস্থান বটদ্ৰৱাস্থিত থানতো দুদিনীয়া কাৰ্যসূচীৰে পালন কৰা হৈছে গুৰুজনাৰ তিৰোভাৱ তিথি। ঘোষাকীৰ্তন,নাম-প্ৰসংগৰে মুখৰিত হৈ পৰিছে বটদ্ৰৱা থান। ৰাজ্যৰ বিভিন্ন প্ৰান্তৰ ভক্তৰ সমাগম ঘটিছে বটদ্ৰৱা থানত।