'জ্যেষ্ঠ নাগৰিক মঞ্চ,উত্তৰ গুৱাহাটী'ৰ স্বাধীনতা দিৱস পালন

'জ্যেষ্ঠ নাগৰিক মঞ্চ,উত্তৰ গুৱাহাটী'য়ে পালন কৰে ভাৰতৰ ৭৩ সংখ্যক স্বাধীনতা দিৱস।কাৰ্যসূচী অনুযায়ী ১৫ আগষ্টত উত্তৰ গুৱাহাটীৰ মধ্যমখণ্ডস্থিত চিনাকি চ'কৰ কাষৰীয়া খেলপথাৰত পুৱা ৰাষ্ট্ৰীয় পতাকা উত্তোলন কৰে জ্যেষ্ঠ নাগৰিক মঞ্চ,উত্তৰ গুৱাহাটীৰ সভাপতি তিলক চন্দ্ৰ ডেকাই।পতাকা উত্তোলনৰ পিছতে সকলো জ্যেষ্ঠ নাগৰিক,উপস্থিত ছাত্ৰ-ছাত্ৰীয়ে একেলগে ৰাষ্ট্ৰীয় সংগীত গায়।

পৰৱৰ্তী পৰ্যায়ত হৰেশ্বৰ শৰ্মাই আঁত ধৰা অনুষ্ঠানত স্বাধীনতা দিৱস পালন সম্পৰ্কে আৰু স্বাধীনতা সংগ্ৰামৰ শ্বহীদসকলৰ স্মৃতি সুঁৱৰি বক্তৃতা প্ৰদান কৰে কবি গৌৰীকান্ত কাকতি,জ্যেষ্ঠ সাংবাদিক ভৈৰৱ শৰ্মাই।সৰল দেৱী বৰুৱাই কবিতা পাঠ কৰে।অনুষ্ঠানস্থলীত নাম-প্ৰসংগ কৰে আয়তীসকলে।