সদৌ অসম আন্ত: জিলা বক্সিং প্ৰতিযোগিতাত গোলাঘাটৰ বিশাল ৰাজবংশীলৈ সোণৰ পদক

গোলাঘাটৰ পৰা মীনাক্ষি ফুকন

বিগত মাহৰ ২৫ জুলাইৰ পৰা ২৭ জুলাইলৈকে সাৰ নগৰী নামৰূপত অনুষ্ঠিত ৪০ সংখ্যক সদৌ অসম আন্ত: জিলা বক্সিং প্ৰতিযোগিতাত অসম এমেচাৰ বক্সিং সন্থা গোলাঘাট জিলা শাখাৰ বিশাল ৰাজবংশীয়ে সোণৰ পদক লাভ কৰে। ৫৬ কেজিত প্ৰতিদ্বন্দ্বিতা কৰা বিশালে প্ৰতিযোগিতাখনত শ্ৰেষ্ঠ বক্সাৰৰ সন্মানো লাভ কৰিবলৈ সক্ষম হ'য়। গোলাঘাট জিলা ক্ৰীড়া সন্থাৰ চৌহদত অৱস্থিত বক্সিং প্ৰশিক্ষণ শিৱিৰত প্ৰশিক্ষক নিতুমনি ডেকাৰ তত্বাৱধানত বিশালে দৈনিক প্ৰশিক্ষণ গ্ৰহণ কৰি আছে। পুৰণা আমোলাপট্টি নিৱাসী জিতেন ৰাজবংশীৰ সন্তান বিশালৰ এনে সফলতাত অঞ্চলবাসীয়ে সন্তোষ প্ৰকাশ কৰিছে।