নগাঁও জিলাৰ কঠীয়াতলিত "নটৰাজ" নৃত্যাংগনৰ প্ৰতিষ্ঠা দিৱস পালন

নগাঁও জিলাৰ কঠীয়াতলিৰ "নটৰাজ" নৃত্যাংগন বিদ্যালয়ৰ ১৫সংখ্যক প্ৰতিষ্ঠা দিৱস উপলক্ষে দেওবাৰে দিনজোৰা কাৰ্যসূচীৰে এক ব্যতিক্ৰমী অনুষ্ঠান অনুষ্ঠিত কৰা হয় ।

অনুষ্ঠানত কেইবাগৰাকীও অৱসৰপ্ৰাপ্ত অধ্যক্ষক সম্বৰ্ধনা জনোৱাৰ লগতে নটৰাজ নৃত্যাংগন বিদ্যালয়ৰ প্ৰশিক্ষাৰ্থীসকলৰ দ্বাৰা এক বাৰেৰহণীয়া সাংস্কৃতিক অনুষ্ঠানৰ আয়োজন কৰা হয় ।

অৰ্ধশতাধিক প্ৰশিক্ষাৰ্থীয়ে অংশগ্ৰহণ কৰা এই সাংস্কৃতিক অনুষ্ঠানে দৰ্শকৰ মন মুহিবলৈ সক্ষম হয় ৷ সহস্ৰাধিক দর্শকৰ উপস্থিতিত প্ৰদৰ্শন কৰা নৃত্যানুষ্ঠানে দৰ্শকৰ পৰা বিপুল সমাদৰ লাভ কৰে ৷

উল্লেখ্য যে অসম তথা সমগ্ৰ ভাৰতবৰ্ষত বিভিন্ন সময়ত সুনাম বুটলিবলৈ সক্ষম হোৱা প্ৰশিক্ষক নীলাক্ষী বৰাই অনুষ্ঠানত নৃত্য প্ৰদৰ্শন কৰি নৱপ্ৰজন্মই আগন্তুক দিনত এই অনুষ্ঠানসমূহক জীয়াই ৰাখিবলৈ আহ্বান জনায় ।