উজানবজাৰৰ নামঘৰত চুৰি কৰা দুই গভাইত চোৰক গ্ৰেপ্তাৰ

তপন বৰগোহাঁই

উজানবজাৰৰ বৰখেলীয়া নামঘৰৰ চুৰি কাণ্ডত জড়িত থকা দুই গভাইত চোৰক গ্ৰেপ্তাৰ কৰে আৰক্ষীয়ে। যোৱা নিশা লতাশিল আৰক্ষীয়ে এক গোপন সূত্ৰৰ পম খেদি এটা দীঘলীয়া অভিযানৰ অন্তত বকো পানীখাইটি সোণতলিৰ পৰা গ্ৰেপ্তাৰ কৰে চোৰ দুটাক। আৰক্ষীয়ে গ্ৰেপ্তাৰ কৰা চোৰ দুটাৰ নাম নুৰজামাল হক(৩০)আৰু আক্কেছ আলি(২৩)।উল্লেখ্য যে গ্ৰেপ্তাৰ কৰা চোৰ দুটাৰ পৰা লতাশিল আৰক্ষীয়ে প্ৰাথমিক জেৰাত লাভ কৰিছে বিভিন্ন মঠ-মন্দিৰত থকা কেইবাটাও পুৰণি মুদ্ৰা। লগতে লাভ কৰিছে উজানবজাৰৰ নামঘৰৰ পৰা তেওঁলোকে ১৬০০টকা চোৰ কৰা তথ্য।

ইফালে,উক্ত চুৰিকাণ্ডৰ লগত জড়িত আন এটা চোৰ বৰ্তমানো পলাতক বুলি জানিবলৈ দিছে লতাশিল আৰক্ষীয়ে। পলাতক চোৰটোৰ নাম কদম আলি।
 কালি নিশা গ্ৰেপ্তাৰ কৰা চোৰ দুটাক জুৱা খেলৰ মাজৰ পৰা গ্ৰেপ্তাৰ কৰা হয়। 

গ্ৰেপ্তাৰ কৰা চোৰ দুটাক লতাশিল আৰক্ষী থানাত তীব্ৰ জেৰা চলাই থকা হৈছে।একেদৰে পলাতক কদম আলিৰ সন্ধানত তদন্ত অব্যাহত ৰাখিছে আৰক্ষীয়ে।