'প্ৰেছ' লিখা গাড়ীত কি জব্দ হ'ল ?

গোলাঘাটৰ পৰা মিনাক্ষী ফুকন

আজি গোলাঘাটৰ কছাৰীহাট তিনিআলিত অবৈধ সুৰাৰ বটল কঢ়িয়াই অনা অৱস্থাত এখন গাড়ী জব্দ কৰা হয়। ১৮০ মি:লি:ৰ ৭২ টা সুৰাৰ বটল কঢ়িয়াই আনিছিল গাড়ীখনে। 

জানিব পৰা মতে ফ্লাইং স্কোৱাড টিম আৰু ষ্টেটিক চাৰভিলেন্স টিমৰ সহযোগত গোলাঘাট আবকাৰী বিভাগৰ উপস্থিতিত যোৰহাটৰ পৰা গোলাঘাটৰ কছাৰীহাটলৈ সুৰা  আনি থকা অৱস্থাত গাড়ীখন জব্দ কৰিবলৈ সক্ষম হয়। 

উল্লেখযোগ্য যে  গাড়ীখনত 'প্ৰেছ' বুলি নামফলক আৰি থোৱা আছিল । গ্ৰেপ্তাৰ হোৱা লোকজনে উক্ত নামফলক আগৰজন গাড়ীমালিকৰ আছিল বুলি ব্যক্ত কৰে।বগা ৰঙৰ ইণ্ডিকা গাড়ীখনৰ নম্বৰ এ এছ -০১-এ পি - ২৯৪০  হোৱাৰ লগতে গ্ৰেপ্তাৰ হোৱা লোকজনৰ নাম বসন্ত বৰা।