ৰাজ্যৰ পথত মৃত্যুৰ কিৰিলি : ২৪ ঘণ্টাত ৯ জন লোকৰ মৃত্যু

* ৰাজ্যত বিগত কেইটামান ঘণ্টাত পথ দুৰ্ঘটনাত ৯জন লোকৰ মৃত্যু হয়৷ গহপুৰৰ ডিফলু সত্ৰত টাটা মেজিক আৰু বাইকৰ মুখামুখি সংঘৰ্ষত ২ জন বাইক আৰোহী নিহত হয়৷ বিহালী শিয়ালমাৰীৰ পৰা লখিমপুৰ অভিমুখে গৈ আছিল বাইক আৰোহী দুজনজন৷ 
* আমগুৰিৰ জাঁজীত পথ দুৰ্ঘটনাত নিহত হয় নাহৰকটীয়া আছুৰ সম্পাদক পল্লৱ দে'৷ এখন চেভ্ৰ'লেট গাড়ীত দে'ৰ সৈতে কেইগৰাকীমান যুৱক গৈ থকা অৱস্থাত জাঁজীত বাহনখনে নিয়ন্ত্ৰণ হেৰুৱাই পথৰ কাষৰ পকী খুঁটাত খুন্দা মৰাত দুৰ্ঘটনাটো সংঘতিত হয়৷ গুৰুতৰভাৱে আহত হয় নাহৰকটীয়া জয়পুৰৰ ৪জন যুৱক৷ 
* নলবাৰী জিলাৰ টিহুত কালি নিশা ছুইফট ডিজায়াৰ আৰু মাৰুতিৰ মাজত সংঘৰ্ষত নিহত হয় এজন লোক৷ গুৰুতৰভাৱে আহত হয় আন কেইবাজনো ব্যক্তি৷ 
* চিৰাং জিলাৰ ঢালিগাঁৱৰ টিলাপাৰাত ৰে'ল লাইন পাৰ হওঁতে দুৰ্ঘটনাগ্ৰস্ত হয় মিনি ট্ৰাক৷ ৰে'লৰ খুন্দাত বিধস্ত হৈ পৰে মিনি ট্ৰাকখন৷ থিতাতে নিহত হয় ২ জন লোক৷
* কামৰূপ জিলাৰ বকোত মটৰ বাইক আৰু ডিআইৰ মুখামুখি সংঘৰ্ষত নিহত হয় ৩জন বাইক আৰোহী যুৱক৷ বাণ্ডাপাৰাত নিশা সংঘটিত হয় দুৰ্ঘটনাটো৷