দেৰগাঁৱত পথ দুৰ্ঘটনাত ৩ প্ৰবক্তা নিহত

নিশা দেৰগাঁৱত সংঘটিত হয় এটা শোকাবহ দুৰ্ঘটনা৷ কাকডোঙা দলঙৰ কাষত সংঘটিত দুৰ্ঘটনাটোত নিহত হয় ৩ ব্যক্তি৷ তেল পৰিবাহী ট্ৰাক আৰু স্কৰপিয়অ'ৰ মুখামুখি সংঘৰ্ষত নিহত হয় যোৰহাটৰ চিকেবি কলেজৰ তিনিজন প্ৰবক্তা৷ সৰুপথাৰ কলেজত অনুষ্ঠিত যুৱ মহোৎসৱৰ কাৰ্যসূচীত অংশগ্ৰহণ কৰি যোৰহাটলৈ গৈ আছিল ব্যক্তিকেইজন৷

শোকাবহ দুৰ্ঘটনাটোৰ খবৰ বিয়পি পৰাৰ পিছতে যোৰহাট নগৰত সৃষ্টি হয় শোকাকুল পৰিবেশ৷ চিকেবি কলেজত সম্প্ৰতি বিৰাজ কৰিছে শোকাৰ্ত পৰিবেশ৷ ক্ৰন্দনত ভাঙি পৰিছে মহাবিদ্যালয়খনৰ শিক্ষাগুৰু আৰু শিক্ষাৰ্থীসকল৷