২৭ জানুৱাৰীত বঙাইগাঁৱত 'ৰাণ ফৰ স্বচ্ছতা' 

অহা ২৭ জানুৱাৰীত বঙাইগাঁৱৰ দেউৰীপাৰাস্থিত নৰনাৰায়ণ খেল পথাৰত 'ৰাণ ফৰ স্বচ্চতা' শীৰ্ষক এক দৌৰ অনুষ্ঠিত হ'ব ৷ জিলা ক্ৰীড়া বিষয়াই জানিবলৈ দিয়া মতে গুৱাহাটীৰ 'টিপকাই' নামৰ এটা এনজিঅই বঙাইগাঁৱত এই স্বচ্চতা দৌৰৰ আয়োজন কৰিছে ৷ পুৱা ছয় বজাত অনুষ্ঠিত হ'বলগীয়া এই দৌৰত বঙাইগাঁৱৰ বিভিন্ন বিদ্যালয়-মহাবিদ্যালয়ৰ ছাত্ৰ-ছাত্ৰী তথা খেলুৱৈয়ে অংশগ্ৰহণ কৰিব পাৰিব ৷ এই দৌৰত অংশগ্ৰহণ কৰিব বিচৰা ইচ্ছুক ছাত্ৰ-ছাত্ৰী তথা খেলুৱৈয়ে অহা ২৫ জানুৱাৰীৰ ভিতৰত বঙাইগাঁও জিলা ক্ৰীড়া বিষয়াৰ কাৰ্যালয়ত নাম পঞ্জীয়ণ কৰিব লাগিব ৷