হাতীখুলিত গঁড়ৰ আক্ৰমণত নিহত ব্যক্তি : ক্ষুব্ধ ৰাইজৰ ৰাজপথ অৱৰোধ

কাজিৰঙা ৰাষ্ট্ৰীয় উদ্যানৰ সমীপৰ হাতীখুলি চাহ বাগিচাত গঁড়ৰ আক্ৰমণত নিহত হয় এজন ব্যক্তি৷ ৰাষ্ট্ৰীয় উদ্যানখনৰ পৰা ওলাই অহা গঁড়টোৱে ধুণ্ডা ভূমিজ নামৰ লোকজনক আক্ৰমণ কৰাত তেওঁ মৃত্যুৰ মুখত পৰে৷ ব্যক্তিজনৰ মৃত্যু হোৱাৰ পিচত বাগিচাখনৰ নিবাসীসকলৰ মাজত উত্তপ্ত পৰিস্থিতিৰ সৃষ্টি হয়৷ বন বিভাগ আৰু প্ৰশাসনৰ বিৰুদ্ধে ক্ষোভত ফাটি পৰে জনতা৷ ক্ষুব্ধ ৰাইজে ভূমিজৰ মৃতদেহ লৈ আজি পুৱা ৰাজপথ অৱৰোধ কৰে৷