কাৰাৰুদ্ধ ছাত্ৰনেতাৰ মুক্তিৰ দাবীত গোলাঘাট জিলা বন্ধ

তিনিজন কাৰাৰুদ্ধ ছাত্ৰ নেতাক মুক্তি দিয়াৰ দাবীত আজি গোলাঘাট জিলাত বন্ধ পালন কৰা হৈছে৷ কৃষক মুক্তি সংগ্ৰাম সমিতি, অসম জাতীয়তাবাদী যুৱ পৰিষদ, চুতীয়া ছাত্ৰ সন্থাই আহ্বান জনাইছে গোলাঘাট জিলা বন্ধ৷ বন্ধৰ প্ৰভাৱ মিশ্ৰিত পৰিলক্ষিত হৈছে৷ উল্লেখ্য যে ৮ জানুৱাৰীৰ অসম বন্ধত গোলাঘাটত বিজেপিৰ কাৰ্যালয়ত অগ্নিসংযোগ কৰাৰ অভিযোগত ছাত্ৰনেতাকেইজনক আৰক্ষীয়ে গ্ৰেপ্তাৰ কৰিছিল৷ সম্প্ৰতি গোলাঘাটত কাৰাৰুদ্ধ হৈ আছে ছাত্ৰনেতা মহেন বৰা, বিদ্যুৎ শইকীয়া আৰু ৰাজীৱ লস্কৰ ৷