গোলাঘাটত বিধেয়কৰ বিৰুদ্ধে মাৰবান্ধি ওলাই আহিল তিনিখন গাঁৱৰ লোক

গোলাঘাটৰ পৰা মীনাক্ষী ফুকন

গোলাঘাটত নাগৰিকত্ব সংশোধনী বিধেয়ক বিৰুদ্ধে আজিও প্ৰতিবাদৰ জোৱাৰ তুলি ওলাই আহিল তিনিখনকৈ গাঁৱৰ লোক। বৃহত্তৰ বনগাঁও, ৰঙাগড়া আৰু বৰবাম গাঁৱৰ ৰাইজ ওলাই আহি ৩৭নং ৰাষ্ট্ৰীয় ঘাইপথ অৱৰোধ কৰি পথৰ ওপৰত টায়াৰ আদি জ্বলাই তীব্ৰ প্ৰতিবাদ সাব্যস্ত কৰে। কোনো কাৰণতে নাগৰিকত্ব সংশোধনী বিধেয়ক, ২০১৬ গ্ৰহণ নকৰাৰ হুংকাৰ দিয়ে গাঁৱৰ প্ৰতিবাদী ৰাইজে।