গোলাঘাট জিলা বিজেপি কাৰ্যালয় লণ্ডভণ্ড

গোলাঘাটৰ পৰা মীনাক্ষী ফুকন

আছুৰ নেতৃত্বত ৩০টা সংগঠনে আহ্বান জনোৱা অসম বন্ধৰ প্ৰভাৱ আজি গোলাঘাট চহৰত সৰ্বাত্মক ৰূপত পৰা পৰিলক্ষিত হৈছে। প্ৰধানকৈ গোলাঘাট জিলা বিজেপিৰ কাৰ্যালয়ত বন্ধৰ সমৰ্থনকাৰীয়ে পুৱাৰ ভাগত কাৰ্যালয়ৰ চৌহদত প্ৰৱেশ কৰি লণ্ডভণ্ড কৰি ত্ৰাসৰ সৃষ্টি কৰে।

কাৰ্যালয়ৰ সমুখতে কাৰ্যালয়ৰ আচবাব আদি জ্বলাই তীব্ৰ প্ৰতিবাদ সাব্যস্ত কৰে। উল্লেখ্য যে প্ৰয়াত প্ৰধান মন্ত্ৰী অটল বিহাৰী বাজপেয়ী, নৰেন্দ্ৰ মোডী, সৰ্বানন্দ সোণোৱাল আদিৰ দৰে বিয়াগোম দলীয় নেতাৰ ফটোসমূহো সমৰ্থনকাৰীয়ে কাৰ্যালয়ৰ চৌহদত অগ্নিসংযোগ কৰি জ্বলাই এক উত্তপ্ত পৰিস্থিতিৰ সৃষ্টি কৰে।

অৱশ্যে এই দুষ্কাৰ্যত কোন জড়িত আছে সেয়া এতিয়ালৈকে ঠাৱৰ কৰিব পৰা নাই।