গোলাঘাট জিলা কংগ্ৰেছৰ জোঁৰ সমদল

গোলাঘাটৰ পৰা মীনাক্ষী ফুকন

নাগৰিকত্ব সংশোধনী বিধেয়ক, ২০১৬ বাতিলৰ দাবীত আজি নিশা গোলাঘাট জিলা কংগ্ৰেছৰ উদ্যোগত পদুমণি ব্লক আৰু গোলাঘাট নগৰ ব্লকৰ সহযোগত গোলাঘাট চহৰত এক বিশাল জোঁৰ সমদল উলিওৱা হয়।

হাতে হাতে জোঁৰ লৈ প্ৰায় পাঁচ শতাধিক কংগ্ৰেছ কৰ্মীয়ে অংশ লোৱা সমদলটোৱে চহৰখনৰ মাজেদি বিজেপি চৰকাৰ গ'-বেক, নাগৰিকত্ব সংশোধনী বিধেয়ক বাতিল কৰক আদি শ্লোগানেৰে এক উত্তাল পৰিবেশৰ সৃষ্টি কৰে।